Qazlı və mətbəx yanğınsöndürmə
FM-200 və NOVEC 1230 yanğınsöndürmə sistemləri Bakıda
Suyun zərər verəcəyi yerlərdə yanğını qazla söndürən sistemlər quraşdırırıq: server və telekommunikasiya otaqları, arxivlər, elektrik paylayıcı otaqlar, idarəetmə mərkəzləri. Təmiz agent sistemləri (FM-200, NOVEC 1230, IG-541) iz qoymur və elektronikaya zərər vermir. Restoran mətbəxləri üçün davlumbaz altında işləyən yaş kimyəvi sistemlər (R-102 tipli) quraşdırırıq. SOCAR Tower və Bakı Olimpiya Stadionunda FM-200 sistemləri bizim quraşdırdığımız və xidmətdə saxladığımız sistemlərdir.
- FM-200, NOVEC 1230, IG-541
- Mətbəx davlumbaz sistemləri
- SOCAR Tower və Olimpiya Stadionu
- Layihə, quraşdırma, illik xidmət
Hansı sistemi harada quraşdırırıq
Söndürücü maddə otağın təyinatına, həcminə və insanların olub-olmamasına görə seçilir. Hər üç təmiz agent insanlar üçün təhlükəsiz konsentrasiyada işləyir və söndürdükdən sonra qalıq qoymur.
FM-200 (HFC-227ea)
Ən geniş yayılmış təmiz agent: az balon sayı, sürətli söndürmə (10 saniyəyə qədər boşalma). Server otaqları, UPS və elektrik otaqları, arxivlər.
NOVEC 1230 (FK-5-1-12)
Ozona təsiri olmayan, aşağı istixana potensiallı agent. Data mərkəzləri və insanların daimi olduğu otaqlar üçün seçilir; balon sayı FM-200-dən bir qədər çox olur.
IG-541 (inert qaz)
Azot, arqon və CO2 qarışığı: oksigeni yanma həddindən aşağı salır. Böyük həcmlər və uzun boru xətləri üçün; balonlar otaqdan uzaqda yerləşdirilə bilər.
Mətbəx davlumbaz sistemi
Restoran, otel və yeməkxana mətbəxləri üçün: davlumbaz altında yağ yanğınını aşkarlayır, yaş kimyəvi maddə ilə söndürür və qazı avtomatik kəsir. Yanğın siqnalizasiyası ilə birləşdirilir.
Hansı obyektlər üçün
Qazlı söndürmə orada lazımdır ki, su avadanlığı və ya sənədləri məhv etsin: server otaqları, telekommunikasiya qovşaqları, elektrik paylayıcı və UPS otaqları, arxiv və muzey fondları, idarəetmə otaqları. Mətbəx sistemləri restoran, otel və iri yeməkxanalar üçündür. SOCAR Tower-də mətbəx davlumbaz və FM-200 sistemlərini, Bakı Olimpiya Stadionunda su dumanı və FM-200 sistemlərini quraşdırmışıq və dövri xidmətdə saxlayırıq.
- Server və data otaqları
- Elektrik paylayıcı və UPS otaqları
- Arxivlər, kitabxanalar, muzey fondları
- Telekommunikasiya qovşaqları
- Restoran və otel mətbəxləri
Nə daxildir
Otağın həcminə görə hesablama və layihə, FHN ilə razılaşdırma, balonlar və ucluqlar, avtomatik aşkarlama (tüstü və istilik detektorları, iki zonalı təsdiq), boşalma gecikməsi və səsli-işıqlı xəbərdarlıq, əl ilə işə salma və bloklama düymələri, otağın hermetiklik yoxlaması, istismara vermə və illik texniki xidmət (təzyiq, çəki, detektorlar).
İşin gedişi
Obyektə baxıb otağın ölçülərini, qapı-pəncərələri və ventilyasiyanı qeyd edirik, sonra agenti və balon sayını hesablayıb layihə ilə təklif veririk. Quraşdırmadan sonra sistem sınaqdan keçirilir və sənədlərlə təhvil verilir. İllik müqavilə ilə balonların təzyiqini və çəkisini, detektorları və panelin işini yoxlayır, boşalmadan sonra yenidən doldurmanı təşkil edirik.
Layihələr
Bu sistemi quraşdırdığımız layihələr
Bu sistemdə işlətdiyimiz brendlər
Tez-tez verilən suallar
Bu xidmət haqqında suallar
Əlaqə
Server otağınız üçün pulsuz hesablama
Otağın ölçülərini göndərin və ya baxış üçün vaxt təyin edək: agenti, balon sayını və layihəni hazırlayırıq.
Bakı ofisi
Bakı ş., Nərimanov r-nu, Ağa Nemətulla küç. 247
+994 50 453 33 45 · info@safetysolutions.az
B.e.–Cümə 09:00–18:00 · fövqəladə hallar 7/24